Beschreibung
Produktdetails
Interpreten | Average White Band |
Genre |
Disco, Funk, R&B
|
Inhalt | LP |
Erscheinungsdatum | 02.02.2024 |
Produktform | 180g |
Edition | Black Vinyl, Demon Records, Half Speed Mastering, 2024 Reissue |
Künstler
Interpreten
Genre
Kundenrezensionen
-
Shottische Funk, machsch Witz?
Das isch das, wone huffe Lütt gseit hänn, bevor sie en Ohrvoll vom Millioneseller Pick Up The Pieces griegt hänn. Immer no Zwyyler über d'Macht vom McFunk? Probieret emool Person To Person oder dr scheeni Bluesy-Track There's Allways Someone Waiting. Doo merket Ihr denn glyy, dass die 6 Guys alles anderi als durchschnittlich sinn! D Hülle mit em berüehtme Logo - e nackti Frau, wo mit ihrem Hinterumfang dr Buechstaabe W im Wort AWB ersetzt - het dr Alan Gorrie sälber entworfe. S'Conzäpt het sy Frau entwicklet. Das isch denn au s'Bühnebild vo allne LIVE Events worde. So au 1977, wo sy mit dr Atlantic Family am Montreux Jazzfestival uffträtte sinn. Dr legendääri Atlantic Recording Corporation Boss Mr. Jerry Wexler het ihne dä Wunsch erfüllt und het sy unter Vertraag gnoo. Dr Alan het imene Interview gseit, dass das schon immer ihr Traum-Label gsi syyg. Die hänn jo schliessligg eso Superstars wie Aretha Franklin, Blues Brothers, Sam & Dave, Otis Redding, Ben E. King und spööter au dr Phil Collins gha.
Uff däm Album isch dr Schlagzüüger Robbie McIntosh zum letschte Mool z'gheere. Är het 1974 wägere Drug-Overdose dr Löffel abgääh. AWB hänn sich denn dr Steve Ferrone, wo scho füre Tom Petty gschpielt het ganglet.
Schreibe eine Rezension
Top oder Flop? Schreibe deine eigene Rezension.